"Həyatın mənası"

Həyatın mənası nədir bilərsən?
Gəl izah eyləyim sənə həyatı.
Həyatda ağlarsan, həmi gülərsən,
Bax belə keçiblər mənə həyatı.

Həyatın yoxdusa məna da yoxdu,
Həminki həyatın bədbəxtlikdi bil.
Mənalı həyatda arzu da çoxdu,
Arzular, xəyallar xoşbəxtlikdi bil.

Dəyişən həyatdır sənə nəzərən,
Ya sevinc yeməsi, ya qəm yeməsi.
O məna nədi bəs? Deyim məsələn:
Bir bala körpənin "Ana" deməsi.

Və ya da deyək ki, nədir bu məna?
Xalqa yardım etmək, ya əl uzatmaq,
Həyatın mənası, sevdadı, sevda:
Xalqının sevgisin qəlbinə atmaq.

Həyatda yaşamçün lazımdır sənə:
Qəm, kədər, nisgili tezcə unutmaq,
Bir nümunədə də bəhs edim yenə,
Məsələn: yarının əlini tutmaq.

Ya da ki, sevgilin uzaqdı səndən?
Gəl onda eşqinə birdəfəlik doy
Ya da bu tövsiyə söz olsun məndən:
Ananın əlin öp, başın üstə qoy.

Bunlardır həyatın mənası, insan,
Dərk elə fikirləş, düşün sən bir az.
Xoşbəxtlik həyatın mənası hər an,
Tək sevgin olarsa, kədər də olmaz.

           Samir Qədirov

Hüseynova Zülfiyyə.