"Varsa əgər"

Gülü sən sevməlisən məhəbbətin varsa əgər,
Ey gülüm, solma özün, təravətin varsa əgər.

Mənə bəxş eylə, gülüm, baği-gülüstan yerini,
Onu göstər mənə sən, səxavətin varsa əgər.

Üşüyür bil bu könül, cismimə dəydikdə kədər,
İsidər qəlbimi, xoş hərarətin varsa əgər.

Ürəyim qəmdə, vüsaldan danışır sübhə qədər,
Gəl ay üzlüm, onu sev, cəsarətin varsa əgər.

Ki gəlib qəm bazarından satın al, qutar məni,
Mənə sən qıyma, gözəl, kəramətin varsa əgər.

Belə Samir qəmi seçsin, ya vüsal sevgisini?
Bunu düzgün de, gülüm, ədalətin varsa əgər.

                             Samir Qədirov


Hüseynova Zülfiyyə.