“Azərbaycanda qaz təchizatında sosial siyasətin bir mühüm məqamı da əhali abonent qrupunda qazdan istifadəyə dair aşağı tarifli illik limit həddinin ayırd olunmasıdır”. 
AzturkmanTv “Qafqazinfo”-ya istinadən xəbər verir ki, bu barədə “Azəriqaz” Qapalı Səhmdar Cəmiyyətinin yaydığı məlumatda bildirilib. 
Qeyd olunub ki, hər il əhali abonentlərinə hər kubmetri 10 qəpikdən hesablanan 2200 kubmetr limit verilir: 
“Bu ilin yanvar-aprel ayları ərzində limit həddini keçən əhali abonentlərinin sayı 122 500 (5,19%), limit daxilində qaz istehlak etmiş abonent sayı isə 2 236 410 (94,81%) təşkil edib”.
Xatırladaq ki,  2020-ci ildə əhali abonentlərinin 20.9 %-i illik hər kubu 10 qəpikdən satılan 2200 kubmetrlik güzəştli limit həddini keçib. Yerdə qalan 79.1 % əhali abonenti isə qazdan güzəştli limit daxilində istifadə edib. 2021-ci il may ayının 1-nə olan məlumata görə “Azəriqaz” İstehsalat Birliyində qeydiyyata alınan təbii qazla təmin olunan əhali abonentlərinin sayı 2 milyon 358 min 910-a bərabər olub.

Hüseynova Zülfiyyə.