“WorldSkills Azerbaijan” platforması ali təhsil müəssisələrinin III-IV kurs tələbələri və məzunları üçün ödənişli təcrübə proqramı elan edir.
AzturkmanTv AZZƏRTAC-a istinadən xəbər verir ki, Peşə Təhsili üzrə Dövlət Agentliyi bildirilib ki, üç ay davam edəcək proqram çərçivəsində təcrübəçi bacarıq yarışlarının təşkil olunmasına, eləcə də layihələrin idarə edilməsinə və kommunikasiya işlərinə dəstək verəcək. Təcrübə proqramı üçün son müraciət tarixi sentyabrın 5-dir.
Qeyd edək ki, “WorldSkills Azerbaijan” peşəkarlığın və bacarıqların inkişafı üçün milli platformadır. Bu platformanın əsası Azərbaycanın beynəlxalq səviyyədə “WorldSkills” hərəkatına qoşulmsı ilə qoyulub. “WorldSkills Azerbaijan” gənclərimizə dünyanın ən nüfuzlu bacarıq olimpiadalarında iştirak etmək və ölkəmizi beynəlxalq müstəvidə təmsil etmək imkanı yaradır.