Beynəlxalq Muğam Mərkəzində Mahirə Əsədovanın maliyyə dəstəyi ilə hazırlanan "Yunus Əmrə" filminin təqdim olunub.
Azərbaycan Milli Elmlər Akademiyası (AMEA) Folklor İnstitutunun “Qorqud” folklor ansamblının təşkilatçılığı, Bakıdakı Yunus Əmrə İnstitutu, Dünya Musiqisinin İncisi Muğam Ansamblının və "Yeni Yurd" Sosial İnkişaf İctimai Birliyinin dəstəyi ilə Beynəlxalq Muğam Mərkəzində “Yunus Əmrə aşıqları” adlı konsert proqramı təqdim edilib.
AztürkmanTv xəbər verir ki,  tədbirdə millət vəkili Qənirə Paşayeva, Vüqar İskəndərov, Yunus Emre universitetinin direktoru Səlcuk Karakılıç AMEA-nın Folklor İnstitutunun direktoru, akademik Muxtar İmanov, “Yeni Yurd” Sosial İnkişaf İctimai birliyinin sədri Mahirə Əsədova, AztürkmanTv.az saytının baş direktoru Dilbər Sultanova, "Xocalı Soyqırımını Tanıtma" İctimai birliyinin sədri Şamil Sabiroğlu, Milli Qəhrəman Asif(Fred) Məhərrəmov adına İnkişaf Fondunun sədri Ədalət Məhərrəmov və başqa ictimai, mədəniyyət nümayəndələri iştirak edib. 
Tədbirdə çıxış edən AMEA-nın Folklor İnstitutunun direktoru, akademik Muxtar İmanov, Bakıdakı Yunus Əmrə İnstitutunun rəhbəri Selçuk Karakılıç görkəmli mütəfəkkir Yunus Əmrənin həyat və yaradıcılığından söz açıblar.
Sonra Yunus Əmrənin həyat və yaradıcılığına həsr edilmiş qısametrajlı film nümayiş olunub. Film türk dünyasının əbədiyaşar sənətkarına Azərbaycan xalqının xüsui münasibəti ilə diqqət çəkib. Belə ki, filmdə sadə Azərbaycan ailəsinin Yunusa olan münasibəti əks olunub. Film mədəniyyətə yüksək dəyər verən, vətənpərvər, ictimai-fəal xanım Mahirə Əsədovanın maliyyə dəstəyi ilə hazırlanıb. Mahirə Əsədova Azərbaycanda, Türkiyədə və digər xarici ölkələrdə Azərbaycan mədəniyyətini, xalqın qəhrəmanlığını və adət-ənənələrini özündə əks etdirən yüzlərlə layihənin təşəbbüskarı olub. 
Tədbir çərçivəsində Yunus Əmrənin şeirlərinə bəstələnmiş mahnılar ifa edilib, ibrətamiz sözlər və şeirlər səsləndirilib.