Neftçala Rayon İcra Hakimiyyətinin təşkilatçılığı ilə Xüsusi Təyinatlı Qüvvələrin baş giziri şəhid Camal İsmayılovun 37 yaşı qeyd olunub.
AzturkmanTv "Qafqazinfio"-ya istinadən xəbər verir ki, şəhid baş gizir Camal İsmayılovun Şəhidlər xiyabanındakı məzarı ziyarət olunub və ruhuna dualar oxunub.
Tədbirdə Neftçala RİH başçısı Mirhəsən Seyidov, RİH məsul şəxsləri,  Milli Məclisin deputatı Sabir Rüstəmxanlı, Sumqayıt RİH nümayəndəsi, hüquq- mühafizə orqanlarının, idarə, müəssisə, təşkilatların rəhbərləri, şəhid ailələri, döyüşçü yoldaşları və qazilər iştirak edib. İştirakçılar Camal İsmayılovun xatirəsinə yaradılan guşə ilə tanış olub, şəhidin həyat yolunu əks etdirən videokadrlar izlənilib.
 Tədbirdə çıxış edən Neftçala rayon icra başçısı Mirhəsən Seyidov bildirib ki, qəhrəman gənclərin vətən uğrunda göstərdiyi fədakarlıqları dövlətimiz tərəfindən yüksək qiymətləndirilir, onların hər biri orden və medallarla təltif edilib, ailələri dövlətin diqqət və qayğısı ilə əhatə olunub.
Prezidentin müvafiq Sərəncamları ilə Camal İsmayılov ölümündən sonra “Vətən uğrunda”, “Xocavəndin azad olunmasına görə”, “Füzulinin azad olunmasına görə”,  “Cəbrayılın azad olunmasına görə” və “Vətən Müharibəsi Qəhrəmanı”   medalları ilə təltif olunub.
Şəhidin atası Vidadi İsmayılov, anası Filarə İsmayılova oğullarının hərbidəki xidmətlərindən və ömür yolundan danışıb, şəhid ailələrinə göstərilən diqqət və qayğıya görə Prezident İlham Əliyevə və Birinci vitse-prezident Mehriban xanım Əliyevaya minnətdarlıqlarını bildiriblər.
 Şəhidin “Vətən Müharibəsi Qəhrəmanı” ordeni şəhidin oğluna Neftçala RİH başçısı tərəfindən təqdim olunub.